औरंगाबाद नागपूर महामार्गावर जऊळका नजीक ७ ऑगस्टच्या रात्री 10 वाजताच्या दरम्यान ट्रक क्रमांक MH 40 BL 9392 ला अचानक शॉक सर्किट होवून लागलेल्या आगीने सोयाबीन चे 250 पोते जळून खाक झाले असून अंदाजे ट्रक सह 15 लाखाचे नुसकान झाले आहे.

 प्राप्त माहितीनुसार एम.एच.40 बी.एल. 9392 क्रमांकाचा ट्रक सोयाबीनचा माल घेऊन नागपूर वरून औरंगाबादला जात होता. तेव्हा जऊळका नजीक ट्रक मध्ये अचानक शॉक सर्किट होऊन आग लागली आणि या आगीमध्ये सोयाबीनची पोती जळून खाक झाली.सुदैवाने यामध्ये कुठलीच जीवितहानी झाली नाही. सदर ट्रक हा शे. राजिक शे.रज्जाक रा.लोणार जी. बुलढाणा यांच्या मालकीचा असल्याची माहिती मिळाली.यावेळी अग्निशामक दलाने शर्थीचे प्रयत्न करून आगीवर नियंत्रण मिळवले.तर यावेळी जऊळका पोलिसांनी रस्त्यावर झालेली वाहतूक कोंडी सुरळीत केली.