অৰুণাচলী লোকে দখল কৰা অসমৰ মাটি অৰুণাচল প্ৰদেশক এৰি দিয়াৰ পক্ষপাতী নহয় সাংসদ তপন কুমাৰ গগৈ। ১৯৬২ চনৰ চাৰ্ভে অৱ ইণ্ডিয়াৰ জৰীপ অনুসৰি নিৰ্ধাৰণ কৰা টিয়ক নদীকেই অসম-অৰুণাচল প্ৰদেশৰ সীমা হিচাপে মানি লবলৈ আহ্বান সকলোকে। টীয়ক নৈৰ সীমা পাৰ হৈ অসমৰ ন কিলোমিটাৰ ভিতৰলৈকে বেদখল কৰি অৰুণাচলীয়ে গাঁও স্থাপন কৰিছে যদিও চৰাইপুঙৰ বিবদমান এলেকা অৰুণাচল প্ৰদেশৰ বুলি দাবী কৰা কাৰ্যত বিৰুধিতা সাংসদ গৰাকীৰ। অসম-অৰুণাচল প্ৰদেশ সীমা বিবাদ সন্দৰ্ভত দুয়োখন ৰাজ্যৰ প্ৰথম লানি বৈঠক অনুষ্ঠিত হোৱাৰ পাছত আজি পুনৰ দুয়োখন ৰাজ্যৰ জনসাধাৰণৰ উপস্থিতিত চৰাইপুঙ অঞ্চলত চৰাইদেউ জিলা প্ৰশাসনে অনুষ্ঠিত কৰে ৰাজহুৱা সভা। সীমা বিবাদ সন্দৰ্ভত অনুষ্ঠিত ৰাজহুৱা সভাত অংশগ্ৰহণ কৰি সাংসদ তপন কুমাৰ গগৈয়ে কৰিলে গুৰুত্বপূৰ্ণ মন্তব্য।