টংলাত সুধাকণ্ঠ ভূপেন হাজৰিকাৰ ৯৬ সংখ্যক ওপজা দিন উদযাপন
ওদালগুৰি, ৮ ছেপ্তেম্বৰ:- ভাৰত ৰত্ন শিল্পী, সাহিত্যক সুধাকণ্ঠ ড° ভূপেন হাজৰিকাৰ
৯৬ সংখ্যক জন্মদিন উপলক্ষে আজি ৰাজ্যৰ বিভিন্ন প্ৰান্তৰ লগতে ওদালগুৰি জিলাতো সুধাকণ্ঠ ড° ভূপেন হাজৰিকাৰ ৯৬ সংখ্যক ওপজা দিন উদ্যাপন কৰে ৷ সুধাকণ্ঠ ভূপেন হাজৰিকা স্মৃতি ৰক্ষা সমিতি টংলাৰ উদ্যোগত অসম সাংস্কৃতিক মহাসভা ওদালগুৰি জিলা সমিতি আৰু টংলা বালিকা উচ্চ বিদ্যালয়ৰ সহযোগত টংলা বালিকা উচ্চ বিদ্যালয়ত সুধাকণ্ঠৰ প্ৰতিচ্ছবিত বন্তি প্ৰজ্বলন, মাল্যাৰ্পনৰ পিছতে মানুহে মানুহৰ বাবে গীতেৰে ওপজা দিনৰ ওলগ জনায় ৷ বিভিন্ন সাংস্কৃতিক অনুষ্ঠানেৰে সুধাকণ্ঠজনৰ গুণানুকীৰ্তন কৰে ৷ অনুষ্ঠানত টংলা বালিকা উচ্চ বিদ্যালয়ৰ শিক্ষক-শিক্ষয়িত্ৰী, ছাত্ৰ-ছাত্ৰীৰ লগতে আক্ৰাছু কেন্দ্ৰীয় সমিতিৰ সাধাৰণ সম্পাদক হেমন্ত বৰা কোচ আৰু হেমন্ত ডেকা সহ বিশিষ্ট ব্যক্তি সকল উপস্থিত থাকে।
