পশ্চিম প্ৰান্তৰ অগ্ৰণী শিক্ষানুষ্ঠান পশ্চিম দৰং জাতীয় বিদ্যালয়ৰ ২৫  বৰ্ষপূৰ্ত্তি উপলক্ষে ৰূপালী জয়ন্তী  উদযাপনৰ ব্যাপক প্ৰস্তুতি চলোৱা হৈছে । প্ৰস্তুতিৰ অংশ হিচাপে সোমবাৰে শিক্ষক দিৱসৰ লগত সংগতি ৰাখি  আন্তঃগাঁথনিৰ কেইবাটাও কামৰ আধাৰশিলা স্থাপন কৰা হয় ৷ পশ্চিম দৰং জাতীয় বিদ্যালয়ৰ অধ্যক্ষ উপেন চন্দ্ৰ ডেকা, সহকাৰী শিক্ষক জীৱন বৰুৱা আৰু সচিব ৰমেশ ডেকাই আঁতধৰা আধাৰশিলা স্থাপন অনুষ্ঠানত স্থায়ী পতাকা বেদীৰ আধাৰশিলা স্থাপন কৰে সুৰেন্দ্ৰ বৰুৱাই, স্মৃতিবেদীৰ আধাৰশিলা স্থাপন কৰে ৰূপনাথ কলিতাই,  সৰস্বতী দেৱীৰ প্ৰতিমূৰ্তিৰ আধাৰশিলা স্থাপন কৰে খিতেশ্বৰ কলিতাই, সৰ্ৱেপল্লী ৰাধাকৃষ্ণণৰ মূৰ্তিৰ আধাৰশিলা স্থাপন কৰে  ৰন্তিৰাম বৰুৱাই ৷ একেদৰে ৰূপালী জয়ন্তী ভৱনৰ আধাৰশিলা স্থাপন কৰে দৰং জিলা পৰিষদৰ   কাৰ্যবাহী অভিযন্তা ভৱেন বৰ্মনে আৰু স্থায়ী তোৰণৰ আধাৰশিলা স্থাপন কৰে  কমলেশ্বৰ বৰুৱাই ৷ ইয়াৰ পিছতে বিদ্যালয়ৰ শিক্ষক জীৱন বৰুৱাৰ কথা আৰু সুৰেৰে বিদ্যালয়ৰ শিক্ষাৰ্থীসকলে পৰিবেশন কোৰাচেৰে আৰম্ভ হোৱা অৱসৰী শিক্ষক সকলৰ অন্তৰঙ্গ অনুষ্ঠানটি সঞ্চালনা কৰে দুনী উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ কনকচন্দ্ৰ কাকতিয়ে ৷