আগন্তুক ৩০ সংখ্যক ৰাষ্ট্ৰীয় শিশু বিজ্ঞান সমিতি সমাৰোহ ২০২২ ৰ ধেমাজি জিলা সমিতিৰ গাইড শিক্ষক প্ৰশিক্ষণৰ এখনি কৰ্মশালা আজি ফ্ৰন্টিয়াৰ হাইস্কুলত অনুষ্ঠিত হৈ যায় । ফন্টিয়াৰ হাইস্কুলৰ প্ৰধান শিক্ষক মেঘনাথ টায়েৰ সভাপতিত্বত অনুষ্ঠিত এই কৰ্মশালা খনিত জিলা সম্বন্বয়ক পদ্ম কুমাৰ পাংগিং, শৈক্ষিক সম্বন্বয়ক অমিয় বৰুৱাৰ লগতে সমল ব্যক্তি হিচাপে উপস্থিত থাকে কৈলাশ সিং , পনৱ দলে, বিজয় লাগাছু,  হেমপ্ৰভা শ্ৰেষ্ঠা আদিয়ে ৩০ সংখ্যক ৰাষ্ট্ৰীয় শিশু বিজ্ঞান সমাৰোহৰ লগত সম্পৰ্ক ৰাখি মূল বিষয় "সুস্বাস্থ্য আৰু সৰ্বাংগীন কুশলতাৰ বাবে পৰিস্হিতিতন্ত্ৰক বুজো আহা " শীৰ্ষক আলোচনা দাঙি ধৰে । ইয়াৰ উপৰিও উপবিষয় ক্ৰমে পৰিস্হিতিতন্ত্ৰক জানো আঁহা, স্বাস্থ্য পুষ্টি আৰু কল্যাণ, পৰিস্থিতিতন্ত্ৰ আৰু স্বাস্থ্যৰ বাবে সামাজিক -সাংস্কৃতিক কায্যাৱলী, আত্মনিৰ্ভশীলতাৰ বাবে পৰিস্থিতিতন্ত্ৰ ভিত্তিক ব্যৱস্হা ,পৰিস্থিতিতন্ত্ৰ আৰু স্বাস্থ্যৰ বাবে প্ৰযুক্তিগত উদ্ভাৱন আদি বিষয়তো বহল ব্যাখ্যা দাঙি ধৰে । আনহাতে প্ৰকল্প প্ৰস্তুতৰ ধৰণ-প্ৰণালী আদিৰ ক্ষেত্ৰতো গাইড শিক্ষক সকলক কেন্দ্ৰ কৰি বক্তব্য প্ৰদান কৰে ।লগতে সমল ব্যক্তি আৰু শিক্ষক সকলৰ মাজত প্ৰশ্ন-উত্তৰ শিতানৰ কায্যসূচীও গ্ৰহণ কৰে । ইফালে এই কৰ্মশালাত অংশগ্ৰহণ কৰে জোনাই ,চিলাপথাৰ ,ধেমাজি, বৰদলনি, মাছখোৱা আদি পাছটা মণ্ডলৰ বিভিন্ন প্ৰান্তৰ ৫৫ খন স্কুলৰ শিক্ষক-শিক্ষয়িত্ৰীয়ে । ফন্টিয়াৰ হাইস্কুলৰ ছাত্র-ছাত্ৰী সকলেও গীত, মাত নৃত্যৰে আপ্লুত কৰে অতিথি শিক্ষক সকলক ।