সোণাৰিত আজি চৰাইদেউ জিলা প্ৰশাসনে কৃতী ছাত্ৰ-ছাত্ৰীসকলক প্ৰদান কৰিলে আনন্দৰাম বৰুৱা বঁটা। চৰাইদেউ জিলাৰ ২৯৬ গৰাকী ছাত্ৰ-ছাত্ৰীক প্ৰদান কৰা হ'ল ১৬ হাজাৰকৈ টকা। হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ ছাত্ৰ-ছাত্ৰীলৈ অসম চৰকাৰে আগবঢ়োৱা এই বঁটা আজি সোণাৰিত আনুষ্ঠানিক ভাৱে প্ৰদান কৰা হয়। সোণাৰি ৰাজহুৱা প্ৰেক্ষাগৃহত এই উদ্দেশ্যে অনুষ্ঠিত সভাত উপস্থিত থাকে সাংসদ তপন কুমাৰ গগৈ, সোণাৰি সমষ্টিৰ বিধায়ক ধৰ্মেশ্বৰ কোঁৱৰ, চৰাইদেউ জিলাৰ উপায়ুক্ত পল বৰুৱাৰ লগতে বিশিষ্ট অতিথি সকল।