ধেমাজিৰ প্ৰবীন শিক্ষাবিদ , সমাজ সংগঠক তথা বাটঘৰীয়া উচ্চতৰ মাধ্যমিক বিদ্যালয়ৰ অধ্যক্ষ সুনীলে কোঁচে যোৱা ৫ চেপ্তেম্বৰত  মুখ্যমন্ত্ৰী ডক্টৰ হিমন্ত বিশ্ব শৰ্মাৰ হাতৰ পৰা ৰাজ্যিক কৃতী শিক্ষকৰ বঁটা গ্ৰহণ কৰে ৷ গুৱাহাটীত  অনুষ্ঠিত ৰাজ্যিক শিক্ষক দিৱসত  সুনীল কোঁচে বঁটা গ্ৰহণ কৰা  বাতৰিয়ে স্বাভাৱিকতে ধেমাজিৰ শিক্ষাসদী সমাজত আনন্দৰ সৃষ্টি কৰিছে ৷ উল্লেখযোগ্য যে জনপ্ৰিয় শিক্ষকগৰাকীয়ে  বছৰ বছৰধৰি  শিক্ষকৰ বৃত্তিত জড়িত হৈ নিৰলসভাৱে মানৱ সম্পদ গঢ়াত ব্ৰতী হোৱাৰ উপৰি বৃহত্তৰ পশ্চিম ধেমাজি অঞ্চলৰ বিভিন্ন সামাজিক সংগঠনৰ সৈতে একাত্ম হৈ সমাজ গঢ়াৰ কামতো নিজকে আত্মনিয়োগ কৰি আহিছে ৷