দীৰ্ঘদিনধৰি  বিধ্বস্ত হৈ পৰিছে ১৫ নং ৰাষ্ট্ৰীয় ঘাইপথৰ ধেমাজি সদৰৰ অংশ ৷ ধেমাজি নগৰৰ  ৰাষ্ট্ৰীয় ঘাইপথৰ অংশত ঠায়ে ঠায়ে  এতিয়া প্ৰকাণ্ড প্ৰকাণ্ড গাত ৷  যাৰ বাবে ধেমাজি জিলাবাসীৰ লগতে ধেমাজি সদৰৰ মাজেৰে পাৰ হৈ  যোৱা  অৰুণাচলবাসীৰ লগতে উজনি অসমৰ কেইবাখনো জিলাৰ পথচাৰীয়ে দেখিছে ত্ৰাহিমধুসূদন ৷ অথচ চৰকাৰৰ নাই কোনো কাণসাৰ ৷  অৱশেষত আজি আগবাঢ়ি আহে  ধেমাজি আছু ৷ পুৱাতে ধেমাজি আঞ্চলিক ছাত্ৰ সন্হাৰ শতাধিক কৰ্মীয়ে হাতত কোৰ , বেলচাৰ লৈ পথ মেৰামতিত  জপিয়াই পৰিল ৷  কম সময়ৰ ভিতৰতে শ্ৰমদানেৰে পথটো  যাতয়াতৰ বাবে উপযোগী কৰি তুলিলে আছুৱে ৷ ধেমাজি আছুৰ  নিস্বাৰ্থ সেৱাক সেেয়ে শলাগিলে ধেমাজিবাসীয়ে ৷