চৰাইদেউ জিলা ভাৰ উত্তোলন সন্থাৰ এখন সংবাদ মেল আজি সোণাৰিৰ ৰহন ভৰালী পুখুৰী প্ৰাঙ্গনত অনুষ্ঠিত হয়। চৰাইদেউ জিলা ভাৰ উত্তোলন আৰু শক্তি উত্তোলন সন্থাৰ উদ্যোগত ৰহন আৰু সাপেখাতিবাসীৰ সহযোগত অহা ১৮ ছেপ্টেম্বৰত আন্তঃক্লাৱ ভাৰ উত্তোলন আৰু শক্তি উত্তোলন প্ৰতিযোগিতাৰ আয়োজন কৰা হৈছে। সোণাৰিৰ ৰহন ভৰালী পুখুৰী প্ৰাঙ্গনস্থিত শ্বহীদ ডিম্বেশ্বৰ গগৈ সোঁৱৰণী প্ৰেক্ষাগৃহত অনুষ্ঠিত হ'ব এই প্ৰতিযোগিতা। চৰাইদেউ জিলা ভিত্তিত এদিনীয়াকৈ আয়োজন কৰা এই প্ৰতিযোগিতা সন্দৰ্ভত অৱগত কৰিবলৈ আজি এখন সংবাদ মেল অনুষ্ঠিত কৰে আয়োজক সমিতিয়ে।