यवतमाळ : घरी कुणीही नसल्याची संधी साधून चोरट्यांनी तब्बल 20 लाख रुपयांच्या मुद्देमालावर हात साफ केला.धाडसी घरफोडीची घटना रंगोली मैदानाजवळील बालाजी सोसायटी येथे घडली.यशवंत लक्ष्मीदास लाखाणी (वय ६०, रा. रंगोली मैदानाजव), असे फिर्यादीचे नाव आहे. मुलीकडे धार्मिक कार्यक्रम असल्याने ते कुटुंबासह यवतमाळ बंगरुळला गेले. दागिने व रोख रक्कम त्यांनी घरातील लॉकरमध्ये ठेवले होती. चालक संजयचा लाखाणी यांना फोन आला. चोरी झाल्याचे त्याने सांगितले. त्यामुळे नातेवाईकांना घरी पाठविले. त्यावेळी मोबाइलवर व्हिडीओ कॉल करून त्यांनी चोरी झाल्याचे दाखविले.  बेडरुमच्या लॉकरमधील २५ ते ३० तोळे वजनाचे सोन्याचे  १५ लाखांचे दागिने व रोख पाच लाख असा एकूण २० लाखांचा मुद्देमाल लंपास केला. लाखाणी यांनी या प्रकरणी अवधूतवाडी पोलीस ठाण्यात तक्रार दिली. त्यावरुन पोलिसांनीअनोळखी चोरट्याविरुद्ध गुन्हा नोंद केला आहे.