ગુજરાતના સુપ્રસિદ્ધ યાત્રાધામ ઉત્કંઠેશ્વર મહાદેવ બોભા ચોકડી ખાતે પોલીસ ચોકીની બાજુમાં આવેલ વિશાળ હાઈવે રોડ ટચ જગ્યા ઉપર નવિનભાઈ સેવકના નવિન સાહસ "કબીર કોમ્પ્લેક્ષ"નો શુભારંભ વડાપ્રધાન નરેન્દ્રભાઈ મોદીના ગુરૂ બંધુ પ્રહલાદભાઈ દામોદરદાસ મોદીના વરદ હસ્તે કરાયો હતો.
કબીર કોમ્પ્લેક્ષના શુભારંભ પ્રસંગે પંચમુખી હનુમાન ધામ, નરોડા, અમદાવાદના પ.પૂ. ધર્માચાર્ય અનંત શ્રી વિભૂષિત ૧૦૦૮ મહામંડલેશ્વર બાલયોગી સ્વામી શ્રી અખિલેશ્વરદાસજી મહારાજ સહીત મોટી સંખ્યામાં સંતો મહંતો આશિર્વચન આપવા ઉપસ્થિત રહ્યા હતા.
સમસ્ત ગુજરાત બ્રહ્મસમાજના પ્રમુખ ભરતભાઈ બી. રાવલે આ પ્રસંગે અતિથિ વિશેષ તરીકે ઉપસ્થિત રહી શુભકામનાઓ પાઠવી હતી.
કબીર કોમ્પ્લેક્ષ-કોમર્શિયલ સ્કીમના શુભારંભ પ્રસંગે હરેનભાઈ આર.પારેખ, ગૌતમભાઈ સાણંદ, હર્ષલભાઈ સેવક, અંજન હરેનભાઈ પારેખ, કપડવંજ તાલુકા પંચાયત ઉપ પ્રમુખ નવનીતભાઈ ડી. ચૌહાણ, ફુલજીનામુવાડા સરપંચ બુધાજી ચૌહાણ, વાઘજીપુર સરપંચ વીરેન્દ્રસિંહ ડી. ચૌહાણ, પુનાદરા સરપંચ પી.ડી.ઝાલા, કેવડિયા પૂર્વ સરપંચ રસીકભાઈ પટેલ, આતરસુંબા પૂર્વ સરપંચ રાજેશભાઈ શર્મા, એડવોકેટ અનિલભાઈ સેવક, એડવોકેટ ડી.કે. ચૌહાણ સહિત વિસ્તારના અગ્રગણ્ય નાગરિકો, શુભેચ્છકો અને પરિવારજનો મોટી સંખ્યામાં ઉપસ્થિત રહી શુભકામનાઓ પાઠવી હતી.
