তিনিচুকীয়া জিলাৰ বৰডুমচা অঞ্চলত বৰডুমচা আৰক্ষীৰ ড্ৰাগছ বিৰোধী অভিযান - আটক এগৰাকী মহিলা।

তিনিচুকীয়া জিলাৰ বৰডুমচা অঞ্চলত ড্ৰাগছ বিৰোধী অভিযান অব্যাহত ৰখাৰ মাজতে সোমবাৰে নিশা অঞ্চলটোৰ ২ নং তালপথাৰ গাঁৱত বৃহত পৰিমাণৰ ড্ৰাগছৰ লগতে কন্টেইনাৰ আৰু ফিটাকানী জব্দ কৰিছে বৰডুমচা আৰক্ষীয়ে ৷ মহিলা গাওঁৰক্ষী বাহিনী, গাওঁৰক্ষী বাহিনীৰ, স্থানীয় ৰাইজৰ সহযোগত বৰডুমচা আৰক্ষীয়ে চলোৱা অভিযানৰ সময়ত ২ নং তালপথাৰ গাঁৱৰ বিষ্ণু বৰুৱাৰ ঘৰত আৰক্ষীয়ে গাঁওৰক্ষী বাহিনী তথা ৰাইজৰ সহযোগত অভিযান চলাই বিষ্ণু বৰুৱাৰ পত্নী পাৰুল বৰুৱাক আটক কৰিবলৈ সক্ষম হয় ৷ আনহাতে পলায়ন কৰে মূল অভিযুক্ত বিষ্ণু বৰুৱা ৷