৬১ সংখ্যক শিক্ষক দিৱস আজি ৰাজ্যৰ বিভিন্ন প্ৰান্তৰ লগতে মাজুলীৰ সকলো শিক্ষানুষ্ঠানে বিভিন্ন কাৰ্যসূচীৰে পালন কৰা হয়। ইয়াৰ সমান্তৰালকৈ নাৰী সৱলীকৰণৰ লক্ষ্যৰে গঠিত হোৱা বেচৰকাৰী সংগঠন ৱাৰিৱৰ্ছ মাজুলী জিলা সমিতিয়েও শিক্ষক দিৱসটি পালন কৰে। সেই উদ্দেশ্যে ফুলনিস্থিত ৱাৰিৱৰ্ছ মাজুলী জিলা সমিতিৰ কাৰ্যালয়ত স্মৃতি তৰ্পণ কাৰ্যসূচী ৰূপায়ণ কৰা হয়। ইয়াৰ পিছতে শিক্ষক দিৱসৰ লগত সংগতি ৰাখি সংগঠনটোৱে ভকতিদুৱাৰ উচ্চতৰ মাধ্যমিক বিদ্যালয়ৰ অৱসৰপ্ৰাপ্ত প্ৰধান শিক্ষক সুৱেত চন্দ্ৰ ঘোষক এখনি ফুলাম গামোচা, সম্বৰ্ধনা পত্ৰ আৰু এটি কলমেৰে সম্বৰ্ধনা জনায় কাৰ্যসূচীত অংশগ্ৰহণ কৰে মাজুলী জিলা সমিতিৰ উপদেষ্টা অপূৰ্ব বেজ, সভানেত্ৰী মধুস্মিতা বৰা, সম্পাদিকা জ্যোৎস্না দাস আৰু সদস্য প্ৰাঞ্জল দত্তই।