অসম চৰকাৰৰ নিৰ্দেশ অনুসৰি মাজুলী জিলা প্ৰশাসনে তিনিদিনীয়াকৈ মাজুলী জিলা দিৱস উদযাপন কৰিবলৈ প্ৰস্তুতি পূৰ্ণ কৰি তুলিছে৷ ৬ ছেপ্টেম্বৰৰ পৰা জিলাখনৰ বিভিন্ন প্ৰান্তত বৰ্ণাঢ্য কাৰ্যসূচীৰে জিলা দিৱস উদযাপনৰ সমান্তৰালকৈ জিলা দিৱসৰ লগত সংগতি ৰাখি ৮ ছেপ্টেম্বৰ তাৰিখে উজনি মাজুলী খেৰকটীয়া মহাবিদ্যলয়ৰ উদ্যোগত আৰু জিলা প্ৰশাসনৰ সহযোগত মহাবিদ্যালয় খনৰ প্ৰাঙ্গনত স্বাস্থ্য শিবিৰ আয়োজন কৰা হৈছে৷ আদিত্য নাৰ্চিংহোমৰ উদ্যোগত পুৱা ১০ বজাৰ পৰা অনুষ্ঠিত হ’ব লগা চিকিৎসা শিবিৰত বহুকেইজন বিশিষ্ট চিকিৎসকে মেডিচিন, স্নায়ু, শৈল আৰু ফিজিঅ’থেৰাপিৰ চিকিৎসা আগবঢ়াব৷ উক্ত চিকিৎসা শিবিৰত বিনামূলীয়া চিকিৎসা সেৱাৰ সুবিধা ল’বলৈ মহাবিদ্যালয় খনৰ অধ্যক্ষ ড° জাহ্নৱী লহকৰ বৰুৱাই জনসাধাৰণৰ প্ৰতি আহ্বান জনাইছে৷