মহান দাৰ্শনিক , পণ্ডিত ভাৰতবৰ্ষৰ দ্বিতীয় গৰাকী ৰাষ্ট্ৰপতি ডঃ সৰ্বপল্লী ৰাধাকৃষ্ণণদেৱৰ জন্মজয়ন্তী শিক্ষাক দিৱস হিচাপে  সমগ্ৰ দেশৰ লগতে অসমৰ বিভিন্ন প্ৰান্তত উদযাপন কৰা হৈছে , ব্যতিক্ৰম নহয়  গোলাঘাটৰ অসমীয়া মাধ্যমৰ অন্যতম আগশাৰীৰ শিক্ষানুষ্ঠান জাতীয় বিদ্যালয় ৰঙাজানো । আজি ছাত্ৰ-ছাত্ৰীসকলে‌ বৰ্ণাঢ্য কাৰ্যসূচীৰে বিদ্যালয়খনত শিক্ষক দিৱসৰ আয়োজন কৰিছে । পুৱা সৰ্বপল্লী ৰাধাকৃষ্ণণদেৱৰ প্ৰতিচ্ছবিৰ সন্মুখত বন্তি প্ৰজ্বলনেৰে মহান দাৰ্শনিক পণ্ডিত গৰাকীক শ্ৰদ্ধাঞ্জলি জ্ঞাপন কৰে বিদ্যালয় খনৰ অধ্যক্ষ ব্ৰজেন গগৈয়ে । ইয়াৰ পিছতে বৃক্ষৰোপণ, ছাত্ৰ-ছাত্ৰীসকলৰদ্বাৰা বিদ্যালয়ৰ  শিক্ষক-শিক্ষয়িত্ৰীসকলক সম্বৰ্ধনা জ্ঞাপনৰ কাৰ্যসূচী ৰূপায়ন কৰা হয় । ছাত্ৰ-ছাত্ৰীসকলৰ‌দ্বাৰা বিদ্যালয় সঙ্গীত পৰিৱেশনেৰে পৰৱৰ্তী কাৰ্যসূচীসমূহ আৰম্ভ হয় । ছাত্ৰ-ছাত্ৰীসকলে নৃত্য , গীত পৰিৱেশনেৰে সুন্দৰ সাংস্কৃতিক কাৰ্যসূচী ৰূপায়ন কৰে । উক্ত অনুষ্ঠানতে জাতীয়তাবাদী যুৱ ছাত্ৰ পৰিষদ মৰঙী আঞ্চলিকৰ বিষয়ববীয়া উপস্থিত হৈ শিক্ষক দিৱসৰ পৱিত্ৰ দিনটোত বিদ্যালয়খনৰ অধ্যক্ষ ব্ৰজেন গগৈ আৰু বিদ্যালয়খনৰ স্বত্বাধিকাৰী তথা কৃতি শিক্ষক দ্ৰোণকান্ত গগৈক সম্বৰ্ধনা জনায় ।