দৰঙৰ দলগাঁৱত জাক জাক বগলীয়ে দৃষ্টি আকৰ্ষন কৰিছে প্ৰকৃতিপ্ৰেমীৰ৷ দলগাঁৱৰ ২ নং শিয়ালমাৰী গাঁৱত বাঁহগছত আশ্ৰয় লৈছে বিভিন্ন প্ৰজাতিৰ বগলী৷ ওৰাং ৰাষ্ট্ৰীয় উদ্যানৰ কাষত থকা গাঁওখনত উদ্যানৰ পৰা  চৰাই চিৰিকতি, বগলীয়ে জনাঞ্চলত আশ্ৰয় লোৱাত গাঁওখনৰ একাংশ লোকে নিৰাপত্তা দিছে যদিও এইবোৰ চৰাইৰ ওপৰত দৃষ্টি পৰিছে কিছু দুষ্ট প্ৰকৃতিৰ লোকৰ৷ উল্লেখ্য যে জীৱ জন্তৰ নিৰাপত্তা আৰু বিচৰনৰ বাবে ওৰাং ৰাষ্ট্ৰীয় উদ্যানখন চৰকাৰে  সম্প্ৰসাৰনৰ ঘোষনা কৰিছিল যদিও বৰ্তমানলৈ আঁচনিৰ কাম আৰম্ভ হোৱা নাই৷