কামৰূপ জিলাৰ ৰঙিয়া মহকুমাৰ অন্তৰ্গত গড়পোট বাপূজী হাইস্কুলৰ ছাত্ৰছাত্ৰী সকলে ব্যতিক্ৰম ৰূপত শিক্ষক দিৱস উদযাপন কৰে৷তদুপলক্ষে পূৱাই শিক্ষক শিক্ষয়িত্ৰী সকলক আঠুকাঢ়ি সেৱা জনাই ছাত্ৰছাত্ৰী সকলে৷ইয়াৰ পিচতে ক্ৰমে সৰস্বতী বন্দনা,ড°সৰ্বপল্লী ৰাধাকৃষ্ণণৰ প্ৰতিচ্ছবিত মাল্যাৰ্পণ আৰু বন্তি প্ৰজ্বলনৰ পিচতে বিদ্যালয়ৰ ভাৰপ্ৰাপ্ত প্ৰধানশিক্ষয়ত্ৰী শশীৰাণী দেৱীৰ সভাপতিত্বত অনুষ্ঠিত সম্বৰ্ধনা সভাত শিক্ষক সকলক গামোছা,গছপুলি,কলম,আলোকচিত্ৰ আদিৰে সম্বৰ্ধনা জনাই৷গীত,কবিতা,নৃত্য আদিৰ জিপাল হোৱা সভাখনত ছাত্ৰছাত্ৰী,শিক্ষক শিক্ষয়িত্ৰী আৰু আমন্ত্ৰিত অতিথিয়ে শিক্ষক দিৱসৰ তাৎপৰ্য ব্যখ্যা কৰে৷