ধেমাজিত আজি সদৌ অসম চৰকাৰী চিকিৎসালয় অস্হায়ী কৰ্মচাৰী সন্হাই  বিভিন্ন দাবীত ৰুপায়ণ কৰে " অৱস্হান ধৰ্মঘট "  কাৰ্যসূচী ৷ উল্লেখযোগ্য যে  দীৰ্ঘদিনধৰি  বহু সংখ্যক  স্হানীয় যুৱক _ যুৱতীয়ে সামান্য পাৰিতোষিকতে ধেমাজি অসামৰিক চিকিৎসালয়ত  সেৱা আগবঢ়াই আহিছে ৷ সম্প্ৰতি নিত্য ব্যৱহাৰ্য সামগ্ৰীৰ চৰাদামৰ দিনত এইসকল অস্হায়ী কৰ্মচাৰীৰ পানীত হাঁহ নচৰা অৱস্হাৰ ৷ চৰকাৰৰ ওচৰত  স্হায়ী ভিত্তিত মকৰলৰ লগতে পাৰিতোষিক বৃদ্ধিৰ বাবে আবেদন _ নিবেদন কৰি অহাৰ পিছতো গা নলৰিল ৰাজ্য চৰকাৰৰ ৷ ইয়াৰ প্ৰতিবাদতে প্ৰায় অৰ্দ্ধ শতাধিক অস্হায়ী কৰ্মচাৰীয়ে ধেমাজিত "অৱস্হান ধৰ্মঘট " পালন কৰি চৰকাৰ বিৰোধী শ্লগানেৰে উত্তাল পৰিৱেশ সৃষ্টি কৰে ৷