আপোনাৰ ঘৰলৈ যদি চেইন বা সোণৰোআ-অলংকাৰ চাফা কৰা কোনোবা লোক আহিছে তেন্তে সাৱধান হঁওক৷কিয়নো আপোনাৰ সৰলতাৰ সুযোগ লৈ সোণৰ আ-অলংকাৰ চাফা কৰাৰ চলেৰে কোনো ৰাসায়নিক দ্ৰব্য মিহলি কৰি আপোনাক অচেতন কৰি লুট কৰি নিব পাৰে আপুনি পৰিধান কৰি থকা মৰমৰ মূল্যবান সোণৰ আ অলংকাৰ৷৷হয়,এই ঘটনা জামুগুৰিহাটৰ৷বিগত জুন মাহৰ ২০ তাৰিখে জামুগুৰিহাটৰ মূঢ়াদলৰ নিজৰা বৰুৱা নামৰ মহিলাগৰাকীৰ গৃহত আহি উপস্থিত হৈছিল এইটো সোণ চাফা কৰি জিলিকাই তোলা স্বয়ম্ভু ব্যক্তি৷কিন্তু মহিলাৰ সৰলতাৰ সুযোগ লৈ ৰাসায়নিক দ্ৰব্য মিহলি কৰি এই খনিকৰটোৱে সকলোকে কৰি ল’লে অচেতন আৰু তাৰপিছত চুৰি কৰি লৈ গ’ল ডেৰ টোলা সোণৰ চেইন৷এমাহৰ পিছত আন এক ঠক প্ৰবঞ্চনাৰ গোচৰত অভিযুক্ত হৈ বিহাৰৰ এই গৰাকী যুৱক নগাঁওৰ জেলত থকা টেলিভিচনৰ পৰ্দাত দেখি চিনি পাই লগে লগে মহিলাগৰাকীৰ লগতে স্বামীয়ে অৱগত কৰিলে জামুগুৰি আৰক্ষীক৷আৰু বৰ্তমান সোণৰ চেইন বা আঙুঠিক সোণত সুৱগা কৰা এইটো প্ৰৱঞ্চক চোৰটো জামুগুৰি আৰক্ষীৰ জীম্মাত৷এশ গৰু মাৰিলে বাঘৰো মৰণ লেখিয়াকৈ কিমানজনৰ সোণৰ আ-অলংকাৰ চুৰ কৰি নিয়াৰ পিছত বা আৰক্ষীৰ জালত পৰিল বিহাৰৰ ৰমেশ কুমাৰ ধাৰী এইটো চমৎকাৰী৷অৱশ্যে সেয়া আৰক্ষীৰ তদন্ততহে পোহৰলৈ আহিব যদিও এনে অসৎ লোকৰ মিঠা মিঠা মাত শুনি ঘৰত পুৰুষ বা স্বামীৰ অনুপস্থিতিত থকা মহিলাসকলক আতৰি থাকি সাৱধান হ’বলৈ আহবান জনাইছে ভূক্তভোগী মহিলাগৰাকীৰ স্বামীয়েও।