સુપર-4 મેચમાં પાકિસ્તાને એક બોલ બાકી રહેતા ભારતને પાંચ વિકેટે હરાવ્યું હતું. ટોસ હાર્યા બાદ પ્રથમ બેટિંગ કરતા ભારતે 20 ઓવરમાં સાત વિકેટ ગુમાવીને 181 રન બનાવ્યા હતા. વિરાટ કોહલીએ 44 બોલમાં 60 રન બનાવ્યા હતા. જવાબમાં પાકિસ્તાને 19.5 ઓવરમાં પાંચ વિકેટ ગુમાવીને લક્ષ્યનો પીછો કરી લીધો હતો. મોહમ્મદ રિઝવાને 51 બોલમાં 71 રન બનાવ્યા હતા. તેણે પોતાની ઇનિંગમાં છ ચોગ્ગા અને બે છગ્ગા ફટકાર્યા હતા. તે જ સમયે, મોહમ્મદ નવાઝે 20 બોલમાં 42 રનની ઇનિંગ રમી હતી. તેણે પોતાની ઇનિંગમાં છ ચોગ્ગા અને બે છગ્ગા ફટકાર્યા હતા. એશિયા કપમાં ભારત આઠ વર્ષ બાદ પાકિસ્તાન સામે મેચ હારી ગયું છે. અગાઉ 2014 એશિયા કપમાં પાકિસ્તાને ભારતને એક વિકેટથી હરાવ્યું હતું. ભારતીય ટીમે હવે આગામી બંને મેચ જીતવી પડશે. એક પણ મેચ હારવાથી ભારતનું એશિયા કપમાંથી બહાર થવાનું જોખમ રહેશે. ભારત હવે 6 સપ્ટેમ્બરે શ્રીલંકા સામે ટકરાશે. આ સાથે જ પાકિસ્તાનની ટીમ 7 સપ્ટેમ્બરે અફઘાનિસ્તાન સામે ટકરાશે. નવાઝને તેની ઇનિંગ માટે પ્લેયર ઓફ ધ મેચ જાહેર કરવામાં આવ્યો હતો.