পুনৰ বহি:ৰাজ্যত গৈ নিৰ্জাতিত অসমৰ যুৱক। শোনিতপুৰৰ চাৰিদুৱাৰ আৰক্ষী থানাৰ অন্তৰ্গত লখৰাৰৰ এজন যুৱক নাম অপাল কচাৰী। এই যুৱকজন বিগত ১৫ বছৰ ধৰি কৰ্মৰত আছিল বেংগালোৰৰ এটা ব্যক্তিগত কোম্পানীত। উল্লেখ্য যে যোৱা ২৬ জুলাইত যুৱকজনক বহি:ৰাজ্যৰ কোনো অচিনাক্ত দূৰ্বিত্তই বেয়াকৈ মাৰধৰ কৰি বাথৰুমত পেলাই থৈ যায়। কোনো লোকে যুৱকজনক বাথৰুমত পৰি থকা অৱস্থাত উদ্ধাৰ কৰি বেংগালোৰৰ এখন চিকিৎসালয়ত ভৰ্তি কৰোৱা হৈছে। যুৱকজনৰ অৱস্থা বৰ্তমান অতি সংকটজনক। যুৱকজন চিকিৎসাধীন অৱস্থাত কোমাত আছে। পৰিয়ালটোত কেও কিছু নোহোৱা যুৱকজনৰ ওচৰ চবুৰীয়াৰ মূৰত এতিয়া ভাগি পৰিছে সৰগ। যুৱকজনৰ ঘৰত আছে কেৱল এগৰাকী বুঢ়ি পেহীয়েক। যিগৰাকী শাৰিৰীকভাৱে সক্ষম।