সোণাৰিৰ বেঙেনাবাৰীত বিজেপিৰ সাংগঠনিক সভা সম্পন্ন।

লোকসভা নিৰ্বাচনৰ বাবে মাজত এটা বছৰ আছে যদিও দলীয় সাংগঠনিক ভেটি অধিক শক্তিশালী কৰি তুলিবলৈ তৎপৰ হৈ উঠিছে চৰাইদেউ জিলা বিজেপি। জিলা খনৰ বিভিন্ন প্ৰান্তত ইতিমধ্যে দলটোৱে অনুষ্ঠিত কৰিছে বিশেষ সাংগঠনিক সভা। সোণাৰি সমষ্টিৰ বিভিন্ন পঞ্চায়ততো দলীয় সাংগঠনিক সভা অনুষ্ঠিত কৰিছে কাৰ্যকৰ্তাসকলে। আজি সোণাৰি সমষ্টিৰ বেঙেনাবাৰী পঞ্চায়তৰ দলীয় কাৰ্যকৰ্তাসকলৰ মাজতো অনুষ্ঠিত হয় বিশেষ সাংগঠনিক সভা। যোৰহাট লোকসভা সমষ্টিৰ সাংসদ তপন কুমাৰ গগৈ, সোণাৰি সমষ্টিৰ বিধায়ক ধৰ্মেশ্বৰ কোঁৱৰ, চৰাইদেউ জিলা বিজেপিৰ সভাপতি লক্ষ্মীনাথ তাছা, ৰাজ্যিক বিজেপিৰ কাৰ্যনিৰ্বাহক সদস্য দিলীপ কোঁৱৰ, কাজলদে,   এপিজিচিএলৰ সঞ্চালক অনুপ সিং ৰাজপুৰোহিতৰ লগতে দলটোৰ জিলা তথা মণ্ডল পৰ্যায়ৰ নেতৃত্বৰ উপস্থিতিত অনুষ্ঠিত হয় সাংগঠনিক সভাখন। আনহাতে আজিৰ এই সভাতেই বিভিন্ন দল-সংগঠন ত্যাগ কৰি বিজেপি দলৰ প্ৰতি আকৃষ্ট হৈ দলটোত যোগদান কৰে যথেষ্ট সংখ্যক লোকে। সভাখনত সভাপতিত্ব কৰে চফ্ৰাই মণ্ডল বিজেপিৰ সভাপতি অৰ্জুন ছেত্ৰীয়ে।