बीड (प्रतिनिधी) बोरदेवी (नबापूर) येथे विहिरीमध्ये 40 वर्षीय तरुणाचा मृतदेह आढळून आला. घटनेची माहिती पिंपळनेर पोलिसांना झाल्यानंतर पोलिसांनी घटनास्थळी जावून मृतदेह बाहेर काढला. मृत्यूचे कारण स्पष्ट झालेले नव्हते.

नानाभाऊ त्रिंबक नानवटे हा तरुण दोन ते तीन दिवसांपासून बेपत्ता होता आज सकाळी त्याचा मृतदेह पाण्यामध्ये तरंगत असताना आढळून आला. या घटनेची माहिती पिंपळनेर पोलिसांना झाल्यानंतर पोलीस निरीक्षक आघाव यांच्या मार्गदर्शनाखाली खरात, वायकर, बहिरवाळ, मगर, कारले आदींनी मृतदेह पाण्याच्या बाहेर काढला. या तरुणाचा मृत्यू कशामुळे झाला हे मात्र समजू शकले नाही.