অহা ২৭ নৱেম্বৰৰ পৰা ২৯  নৱেম্বৰলৈ ধেমাজিত অনুষ্ঠিত হ'ব ৪৪ সংখ্যক সদৌ অসম পদ্মনাথ গোহাঞি বৰুৱা সোঁৱৰণী একাংক নাট প্ৰতিযোগিতা ৷ ৰাজ্যৰ অন্যতম জনপ্ৰিয় একাংক নাট প্ৰতিযোগিতাখনিৰ  উদযাপন সমিতিৰ এখনি গুৰুত্বপূৰ্ণ বৈঠক কালি ধেমাজি বালিকা মহাবিদ্যালয়ৰ প্ৰেক্ষাগৃহত উদযাপন সমিতিৰ সভাপতি দেৱজিত দাসৰ সভাপতিত্বত অনুষ্ঠিত হয় ৷ উদযাপন সমিতিৰ কাৰ্যকৰী সভাপতি মনোজ গগৈ , সম্পাদক মনোজ লানচনে আঁতধৰা সভাখনিত ঘাইকৈ প্ৰতিযোগিতাখনিত প্ৰথমবাৰৰ বাবে শিশু নাট প্ৰতিযোগিতা  অন্তৰ্ভুক্ত কৰাৰ গুৰুত্বপূৰ্ণ সিদ্ধান্ত গ্ৰহণ কৰাৰ লগতে "  প্ৰতিষ্ঠাপক সভাপতি নৰেন্দ্ৰ গোহাঁই স্মাৰক বক্তৃতা " আয়োজনৰ সল্দৰ্ভত প্ৰস্তাৱ লোৱা হয় ৷ সভাত কেইবাখনো উপসমিতি গঠন কৰা হয় ৷ উল্লেখযোগ্য যে  গাম্ভীৰ্যপূৰ্ণ সভাখনিত  স্হায়ী সমিতিৰ সভাপতি ডক্টৰ বুদ্ধিন্দ্ৰ বৰুৱা , সম্পাদক জ্যোতিষ কোঁচৰ লগতে প্ৰায় কুৰিগৰাকী  বিষয়ববীয়া _ সদস্যই অংশ লয় ৷