অসমৰ অন্যতম প্রধান জনগোষ্ঠী হ'ল টাই আহোম সকল । কিন্তু শেহতীয়াকৈ টাই আহোম সকলক উদ্দেশ্যি একাংশ দুষ্টচক্রই কটু মন্তব্য দি থকা পৰিলক্ষিত হৈছে । আনহাতে কালিও এটা সমদলত আহোম জাতি মুৰ্দাবাদ ধ্বনি দিয়াৰ অভিযোগ উত্থাপন হৈছে । ইয়াৰ পৰিপ্ৰেক্ষিতত প্রতিক্রিয়া প্রকাশ কৰিছে সদৌ টাই আহোম ছাত্ৰ সন্থাৰ চৰাইদেউ মহকুমা সমিতিয়ে । এই সন্দৰ্ভত নিজৰ প্ৰতিক্ৰিয়া প্ৰকাশ কৰি আটাছু চৰাইদেউ মহকুমা সমিতিৰ সাধাৰণ সম্পাদক অলস প্রতীম সন্দিকৈয়ে এই কার্যত তীব্ৰ গৰিহণা প্ৰদান কৰে ।