રાજકોટ,તા.3 : રૂા. 18.50 - લાખના ચેક રીટર્ન થતા રવીકુમાર ગોંધીયા સામે કોર્ટમાં ફરીયાદ દાખલ થઈ છે. રાજકોટના કોઠારીયા રોડ ઉપર આવેલ હાપલિયા પાર્કમાં રહેતા સંજયભાઈ જુઠાભાઈ ગમઢાએ મિત્રતા ધરાવતા રવીકુમાર પ્રવિણભાઈ ગોંધીયા (રહે.સિલ્વર નેસ્ટ, આનંદ નગર, જૂનું નીલકંઠ પાર્ક, કોઠારીયા રોડ) ધંધાના કામ બાબતે ઉછીના પેટે રોકડા રૂા.18,50,000 આપેલા હતા જે રકમ સંજયભાઈ ગમઢા એ પરત માંગતા રવીકુમાર ગોંધીયા એ ત્રણ ચેક આપેલ હતા. ત્રણેય ચેક બિન ચુકતે પરત ફરતા આ આરોપીને ઉપરોકત રકમ ચુકવી આપવાની નોટીસ મોકલાવેલી આમ છતા આ કામના આરોપીએ કોઈજવાબ આપેલો નહી તેથી આ કામના ફરીયાદીએ તેમના વકીલ અતુલ સી. ફળદુ મારફત ધી નેગોશીયેબલ ઈન્સ્ટ્રુમેન્ટ એકટની કલમ 138 હેઠળ રાજકોટની સ્પેશીયલ નેગોશીયેબલ કોર્ટમાં આરોપી સામે કેસ દાખલ કરતા આરોપી રવીકુમાર પ્રવિણભાઈ ગોંધીયાને સમન્સ ઈસ્યુ કરી કોર્ટમાં હાજ2 થવા હુકમ કરેલ છે.