ઉના તાલુકાના આંગણવાડી સંચાલક બહેનોની પડતર પ્રશ્નોની વિવિધ માંગણીઓને લઇ ન્યાય મળે તે માટે શહેર અને તાલુકાની બહોળી સંખ્યામાં મહિલા વર્કર બહેનો દ્વારા ઉગ્ર રજૂઆત સાથે ઉના પ્રાંત કચેરી ડે. કલેકટર, આઈ સી.ડી. એસ. કચેરી તેમજ ધારાસભ્ય પુંજાભાઇ વંશને લેખીત રજૂઆત કરી હતી. સાથે વહેલી તકે આ તમામ પ્રશ્નોનુ નિરાકરણ લાવવા માંગ કરી હતી અને યોગ્ય નિર્ણય નહીં આવે તો આવનારા દિવસોમાં ઉગ્ર આંદોલન પર ઉતરવાની ચિમકી ઉચ્ચારી હતી.