ঢকুৱাখনা নগৰ স্থিত এগৰাকী প্ৰতিষ্ঠিত ব্যৱসায়ী মুলাৰাম থুৰিমলা ভৱনৰ স্বত্বাধিকাৰী বৰুৱাটিকা গাঁও নিবাসী বিশিষ্ট নাগৰিক যোগেন দত্তৰ দেওবাৰে নিশা প্ৰায় ২ বাজি ৩ বজাত পৰলোক প্ৰাপ্তি ঘটে ৷ সুদীর্ঘ কাল ধৰি ঢকুৱাখনাৰ সমাজ জীৱনৰ সতে জড়িত হৈ বাৰ্ধক্যজনিত কাৰণত স্ব গৃহত স্বাভাবিক ভাৱেই দিন অতিবাহিত কৰা দত্তই যোৱা নিশা সামান্য বিষ অনুভৱ কৰে । আত্মীয়ই চিকিৎসালয়লৈ নিয়াৰ পূৰ্বে দত্তই শেষ নিশ্বাস ত্যাগ কৰে । আকস্মিক মৃত্যুক সাৱটি লোৱা প্ৰবীণ সমাজকৰ্মী গৰাকীৰ মৃত্যুৰ খবৰ পাই অগণন শুভাকাংক্ষীৰ আগমন ঘটে দত্তৰ বাস গৃহলৈ । ইপিনে পুৱা দত্তৰ নশ্বৰ দেহ ঢকুৱাখনা নগৰ স্থিত মূলাৰাম থুৰিমলা ভৱনলৈ নিয়াৰ পাছত নিজৰ ব্যৱসায়িক থলীত ব্যৱসায়ী সকলে দত্ত দেৱৰ অন্তিম শ্ৰদ্ধাঞ্জলি জনোৱাৰ পাছতেই ৰাজহুৱা শ্মশানলৈ নি অন্তিম সৎকাৰ কৰা হয় । ৮৬ বছৰীয়া প্ৰবিন ব্যৱসায়ী গৰাকীয়ে মৃত্যুৰ সময়ত পত্নী, পুত্ৰ ,তিনি গৰাকী কন্যা সহ অজস্ৰ গুণ মুগ্ধক ইস সংসাৰত এৰি গৈছে দত্তই । ইপিনে দত্তৰ বিয়োগত বহু সংখ্যক অনুষ্ঠান সংগঠনে গভীৰ শোক প্ৰকাশ কৰি দত বিদেহ আত্মাৰ চিৰশান্তি কামনা কৰিছে আৰু শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে ৷