মৰাণত আম আদমী পাৰ্টীত শতাধিক যুৱকৰ যোগদান

মৰাণত আম আদমী পাৰ্টীৰ যুৱ শক্তিৰ দ্বাৰা আয়োজিত এক যোগদান সভাত শতাধিক যুৱকে যোগদান কৰে দলটোত ৷ যোৱা ২১ আগষ্টত মৰাণৰ তিলৈনগৰ গ্ৰাম্য বজাৰত আয়োজিত এক যোগদান সভাত কংগ্ৰেছ, বিজেপি, ৰাইজৰ দল, অসম জাতীয় পৰিষদকে ধৰি বিভিন্ন দল-সংগঠনৰ সহস্ৰাধিক নেতা-কৰ্মীয়ে আম আদমী পাৰ্টীত আনুষ্ঠানিকভাৱে যোগদান কৰাৰ পাছতে পুণৰ মৰাণৰ শতাধিক যুৱকে দলটোৰ যুৱ শক্তিত যোগদান কৰাটো চৰ্চাৰ বিষয় হৈ পৰিছে ৷ মৰাণৰ অভিনন্দন বিবাহ ভৱনত আয়োজিত উক্ত যোগদান সভাত আম আদমী পাৰ্টীৰ ৰাজ্যিক যুটীয়া সমন্বয়ক মনোজ ধানোৱাৰ, যুৱ শক্তিৰ ৰাজ্যিক যুটীয়া সমন্বয়ক বাবুল চেতিয়াকে ধৰি কেইবাগৰাকীও নেতা উপস্থিত থাকি যুৱকসকলক দললৈ আদৰণি জনায় ৷