নাৰায়ণপুৰ ৰাজহ চক্ৰৰ অন্তৰ্গত অসম অৰুনাচল সীমান্তৱৰ্তী অঞ্চলৰ পৰিত্যক্ত ভুমিত কৃষি বিপ্লৱৰ সুচনা কৰিব বিধায়ক অমিয় ভূঞাই ৷ ৰাজহচক্ৰটোৰ অন্তৰ্গত শ শ হেক্টৰ ভুমি আজিও অব্যৱহৃত হৈ আছে ৷ যাৰবাবে একাংশ অৰুনাচলী লোকে বেদখল কৰাৰ অহৰহ চেষ্টা অব্যাহত ৰাখিছে ৷ এইসমুহ অপতৃণৰে পৰিপূৰ্ণ ভুমি উন্নয়ণ কৰাৰ লগতে যাতায়ত যোগাযোগ উন্নত কৰি সমষ্টিটোৰ নিবনুৱা যুৱক যুৱতীক কৃষি কৰ্মৰে স্বাৱলম্বী হোৱাৰ সুবিধা কৰিব বিধায়কগৰাকীয়ে ৷ এইক্ষেত্ৰত অসম চৰকাৰ তথা মুখ্যমন্ত্ৰী হিমন্তবিশ্ব শৰ্মাই বিশেষ গুৰুত্ব প্ৰদান কৰিব বুলি জানিবলে দিয়ে বিধায়কগৰাকীয়ে ৷ দীৰ্ঘদিনীয়া সীমা বিবাদ সমাধানৰ লগতে সীমান্তৱৰ্তী অঞ্চলসমুহ উন্নয়ণ সম্ভৱ হ’ব বুলি জানিবলৈ দিয়ে বিধায়কগৰাকীয়ে আজি সীমান্তৱৰ্তী দ্ৰোপাং গৰুবন্ধা আৰু গোশালা অঞ্চল পৰিদৰ্শন কৰে ৷