সোণাৰিৰ টিমনত প্ৰকৃতিপ্ৰেমী অনুপ মহনৰ উদ্যোগত গছপুলি ৰোপণৰ প্ৰয়াস। চৰাইদেউ জিলা খনৰ বিভিন্ন প্ৰান্তত এতিয়ালৈকে প্ৰায় ৩৫ হাজাৰ কৃষ্ণচূড়া, সোণাৰুকে ধৰি বিভিন্ন প্ৰজাতিৰ গছপুলি ৰোপণৰ লগতে প্ৰতিপালন কৰি অভিলেখ গঢ়িছে প্ৰকৃতিপ্ৰেমী অনুপ মহনে। জিলাখনৰ বিভিন্ন প্ৰান্তত গছপুলি ৰোপণ কৰাৰ পাছত এইবাৰ মাহমৰা সমষ্টিৰ টিমনত স্থানীয় ৰাইজৰ সহযোগত গছপুলি ৰোপণৰ প্ৰয়াস প্ৰকৃতিপ্ৰেমী অনুপ মহনৰ। অতিশীঘ্ৰেই টিমনৰ ৰাস্তাৰ কাষত সোণাৰু, কৃষ্ণচূড়া, নাহৰ আদি গছৰ পুলি ৰোপন কৰিবলৈ নিজে ট্ৰেক্টৰ চলাই গাঁত খান্দি জৈৱিক সাৰ আদি দিয়াৰ ব্যৱস্থা কৰিছে অনুপ মহনে।