ডিব্ৰুগড় জিলাৰ মৰাণৰ ঘুগুলনী বঙালী গাঁৱৰ পৰা এগৰাকী মহিলা নিজৰ ১২ বছৰীয়া কন্যাৰ সৈতে বিগত ৫ দিন ধৰি সন্ধানহীন হৈ থকা ঘটনাই চাঞ্চল্যৰ সৃষ্টি কৰিছে ৷ ঘুগুলনী বঙালী গাঁৱৰ নিবাসী বাবা গগৈৰ পত্নী অঞ্জলি গগৈ (৩০) আৰু কন্যা জুৰি গগৈ (১২) যোৱা ২৬ আগষ্টৰ পৰা সন্ধানহীন হৈ থকাত দু:চিন্তাত পৰিছে পৰিয়ালৰ লোক ৷ মৰাণৰ বামুণবাৰীত পুৱা প্ৰায় ৯ বজাত বজাৰ কৰিবলৈ ওলাই যোৱাৰে পৰা সন্ধান নাই মাতৃ-কন্যাৰ ৷ ঘটনা সন্দৰ্ভত পৰিয়ালৰ লোকে খোৱাং আৰক্ষী থানাত এজাহাৰ দাখিল কৰাৰ উপৰিও বিভিন্ন স্থানত খা-খৱৰ কৰিও কোনো সন্ধান নোপোৱাত উপায়হীন হৈ পৰিছে ৷ পৰিয়ালৰ লোকে মাতৃ-কন্যা দুয়ো কোনো দুষ্ট চক্ৰৰ হাতত পৰাৰ আশংকা ব্যক্ত কৰিছে ৷