বিলাসীপাৰা হাকামাত প্ৰশাসনৰ উচ্ছেদ অভিযান। হাকামাত বেদখলকাৰীৰ বিৰুদ্ধে চলিল প্ৰশাসনৰ বুলডোজাৰ। বেলতলীত ভূমি বিবাদক কেন্দ্ৰ কৰি সংঘাতৰ সৃষ্টি হোৱা বিতৰ্কিত ভূমিত এক্সকেভেটৰ লগাই প্ৰশাসনে চলালে উচ্ছেদ। ২১ আগষ্টত বেলতলীৰ ভূমি বিবাদত উদণ্ড লোকৰ নিৰ্মম প্ৰহাৰত মৃত্যু হৈছিল এগৰাকী ব্যক্তিৰ। তাৰ পিছতেই সম্পূৰ্ণ ৰূপে অশান্ত হৈ পৰিছিল সমগ্ৰ বিলাসীপাৰা। ইতিমধ্যে উক্ত ঘটনাৰ লগত জড়িত অধিকাংশ দোষীক গ্ৰেপ্তাৰ কৰিছে বিলাসীপাৰা আৰক্ষীয়ে। আজি উক্ত বিতৰ্কিত ভূমিত প্ৰশাসনে উচ্ছেদ অভিযান চলাই সম্পূৰ্ণ ভাংগি তচ-নচ কৰি দিয়ে ঘৰ দুৱাৰ।॥