বাঁহৰ চুঙাত পানী যোগান ধৰি সমাদৃত হোৱা কাজিৰঙাৰ চন্দন নাথলৈ ইণ্ডিয়া বুক অব ৰেকৰ্ডছৰ আমন্ত্ৰণ।সুখৰ খবৰ যে অহা ১১ চেপ্টেম্বৰ তাৰিখে ইণ্ডিয়া বুক অব ৰেকৰ্ডছৰ প্ৰযোজনাত ৰাজধানী চহৰ দিল্লীত অনুষ্ঠিত হব The International Record Festival -2022. এই অনুষ্ঠানত অভিনৱ উদ্ভাৱনৰ বাবে চন্দন নাথকো আমন্ত্ৰণ জনাইছে ইণ্ডিয়া বুক অৱ ৰেকৰ্ডছে।উল্লেখ্যে যে কাজিৰঙাৰ কহঁৰা নিবাসী চন্দন নাথে প্লাষ্টিকৰ বিকল্প হিচাপে বাঁহৰ চুঙাত পৰ্যটকক পানী যোগান ধৰি আহিছে। পেশাত জীপচী চালক চন্দন নাথৰ এই পদক্ষেপক ব্যাপক সহাৰি জনাই আহিছে দেশী-বিদেশী পৰ্যটকসকলে।