મેટા-માલિકીની સોશિયલ મીડિયા એપ્લિકેશન્સ Facebook અને Instagram એ જુલાઈ 2022 માં ભારતમાં કુલ 27 મિલિયન પોસ્ટ્સ કાઢી નાખી છે. ફેસબુક અને ઈન્સ્ટાગ્રામે આઈટી એક્ટ 2021 હેઠળ આ કાર્યવાહી કરી છે. Meta એ કુલ 1.73 મિલિયન સ્પામ પોસ્ટ, 2.3 મિલિયન હિંસક અને ગ્રાફિક સામગ્રી કાઢી નાખી છે. METAએ IT (મધ્યસ્થી માર્ગદર્શિકા અને ડિજિટલ મીડિયા કોડ ઓફ કંડક્ટ) નિયમો 2021 હેઠળ જુલાઈ મહિનામાં આ કાર્યવાહી કરી છે.

મેટાના નિવેદન મુજબ જુલાઈ મહિનામાં 25 મિલિયન ફેસબુક પોસ્ટ અને 2 મિલિયન ઈન્સ્ટાગ્રામ પોસ્ટ દૂર કરવામાં આવી છે. ફેસબુક પર 1.1 લાખ એવી પોસ્ટ દૂર કરવામાં આવી છે જે નફરત ફેલાવતી હતી. આ સિવાય 27 લાખ પોસ્ટ નગ્ન અને સેક્સ્યુઅલ કન્ટેન્ટ હતી.મેટાએ કહ્યું કે, આત્મઘાત અને આત્મહત્યાને લગતી 9 લાખ પોસ્ટ ડિલીટ કરવામાં આવી છે. ઇન્સ્ટાગ્રામ પર 22,000 નફરતભર્યા ભાષણો અને 3.7 લાખ નગ્ન અને જાતીય સામગ્રી દૂર કરવામાં આવી છે.

જણાવી દઈએ કે, IT નિયમો 2021 હેઠળ તમામ સોશિયલ મીડિયા કંપનીઓ દર મહિને સરકારને આવા રિપોર્ટ સબમિટ કરે છે. જુલાઈમાં મેટાને ફેસબુક તરફથી 626 અને ઈન્સ્ટાગ્રામ પરથી 1,033 ફરિયાદો મળી હતી. ફેસબુકે 626 માંથી 603 રિપોર્ટ પર પ્રક્રિયા કરી છે. ઇન્સ્ટાગ્રામે કહ્યું છે કે તેણે 945 ફરિયાદોનું નિરાકરણ કર્યું છે.