১৯৮৮ বেটচৰ অসম-মেঘালয় কেডাৰৰ ভাৰতীয় প্ৰশাসনিক সেৱাৰ বিষয়া তথা ৰাজ্যৰ মাননীয় মুখ্য সচিব শ্ৰীজিষ্ণু বৰুৱা ডাঙৰীয়াই আজি আনুষ্ঠানিকভাৱে চাকৰি জীৱনৰ পৰা অৱসৰ গ্ৰহণ কৰে। অসমৰ মুখ্যমন্ত্ৰী হিচাপে দায়িত্বভাৰ গ্ৰহণৰ দিন ধৰি তেখেতৰ সৈতে ৰাজ্যখনৰ উন্নয়নৰ দিশৰ সৈতে জড়িত বিভিন্ন বিষয়ত ঘনিষ্ঠভাৱে মই কাম কৰিছিলোঁ। বিভিন্ন কঠিন কাম সুকলমে সমাধান কৰাৰ ক্ষেত্ৰত এগৰাকী সুদক্ষ বিষয়াৰূপে পৰিচিত বৰুৱা ডাঙৰীয়াই তিনি দশকৰো অধিক দীঘলীয়া সেৱাকালত ৰাজ্যখনত প্ৰশাসনৰ দিশত অপৰিসীম অৱদান আগবঢ়াই গৈছে। আজি মুখ্য সচিবৰ কাৰ্যালয়ত উপস্থিত হৈ তেখেতৰ সু-স্বাস্থ্য আৰু ভৱিষ্যৎ জীৱনৰ কুশল-মংগল কামনা কৰোঁ।