ৰঙিয়া মহকুমাৰ দক্ষিণ দিশৰ কঞাঁ ৰাজহচক্ৰৰ অন্তৰ্গত কঞাঁৰ আতাইকেইটা পথে বানত বিধস্ত হোৱাৰ পিচতো আজিলৈকে মেৰামতিৰ কোনো ব্যৱস্থা নকৰাত ৰাইজে ক্ষোভ প্ৰকাশ কৰিছে৷উল্লেখ্য যে যিকেইটা পথৰে কঞাঁ ৰাজহচক্ৰ কাৰ্য্যালয়,কঞাঁ আৰক্ষী থানালৈ অহাযোৱা কৰিব লাগে সেইকেইটা পথৰ বিধস্ত ৰূপে সমষ্টিৰ জনপ্ৰতিনিধি গৰাকীৰ অমনোযোগিতাৰ প্ৰকৃত ছবি প্ৰকাশ পায়৷আনহাতে উক্ত বিধস্ত পথৰে স্কুল কলেজৰ ছাত্ৰছাত্ৰী অহাযোৱা কৰাৰ উপৰিও ৰঙিয়া মহকুমা সদৰৰ লগত পশ্চিম বড়িগোগ মৌজাৰ একমাত্ৰ যোগাযোগৰ পথ উক্ত বানে বিধস্ত কৰা পথ কেইটা৷ৰাইজে অনতি পলমে পথ কেইটা মেৰামতি কৰাৰ দাবী জনাইছে৷