ধেমাজিৰ সক্ৰিয় স্বেচ্ছাসেৱী অনুষ্ঠান চেড'য়ে ৰাষ্ট্ৰীয়  পৰ্যায়ৰ  স্বেচ্ছাসেৱী অনুষ্ঠান গুঞ্জৰ সহযোগত কালি স্হানীয় কৃষকৰ মাজত ৫ সহস্ৰাধিক বিভিন্ন ধৰণৰ ফলমূলৰ পুলি বিতৰণ কৰে  ৷ ধেমাজিৰ কেইবাখনো বিদ্যালয়তো অনুষ্ঠানটোৱে নেমু , চেৰী , আমলখি , কঠালকে ধৰি ভিন্ন প্ৰজাতিৰ ফলমূলৰ পুলি বিতৰণ কৰে ৷উল্লেখযোগ্য যে পুলি বিতৰণৰ পূৰ্বে চেড'ৰ কাৰ্যালয়ত  সচিব নৱজ্যোতি দত্তৰ সঞ্চালনাাত অনুষ্ঠিত সভাত ডিব্ৰুগড় বিশ্ববিদ্যালয়ৰ অধ্যাপক ডক্টৰ প্ৰাঞ্জল বুঢ়াগোহাঁই , শিক্ষাবিদ সুনীল কোঁচ , পবিত্ৰ বৰুৱাই অংশ লয় ৷ প্ৰণিধানযোগ্য যে ধেমাজিৰ প্ৰতিষ্ঠিত খেতিয়ক মোলান ভূঞাই সভাত গছপুলি ৰোপণৰ পদ্ধতি আৰু প্ৰতিপালনৰ সন্দৰ্ভত বহলকৈ বক্তব্য ৰাখে ৷