বাইহাটা চাৰিআলি থানাৰ অন্তৰ্গত গোগ গাঁওৰক্ষী বাহিনী উদ্যোগত আজি মঙলবাৰে সন্ধিয়া এখন ভ্ৰাগছ বিৰোধী সভা অনুষ্ঠিত হৈ যায় ৷ গোগ এল পি স্কুল প্ৰাঙ্গণত সন্ধিয়া ৭ বজাত আনুষ্ঠিত এই সভাত “গাঁৱত ড্ৰাগছৰ প্ৰাদুৰ্ভাৱ আৰু নিৰাময়” সন্দৰ্ভত বিতংভাৱে আলোচনা কৰা হয় ৷ গোগ গাঁৱৰ পঞ্চায়ত প্ৰতিনিধি আজিজ বৰাৰ সভাপতিত্বত অনুষ্ঠিত সভাত মুখ্য অতিথি হিচাবে অংশগ্ৰহণ কৰে বাইহাটা চাৰিআলি থানাৰ ভাৰপ্ৰাপ্ত আৰক্ষী বিষয়া প্ৰাঞ্জল কুমাৰ নাথে ৷ আমন্ত্ৰিত অতিথি হিচাবে অংশগ্ৰহণ কৰে সহকাৰী উপ পৰিদৰ্শক অভিনৱ শইকীয়া, থানা উপদেষ্টা সমিতিৰ সম্পাদক জগদীশ ডেকা , প্ৰতিদিন টাইমৰ সাংবাদিক জ্যোতিপ্ৰসাদ ডেকা প্ৰমুখ্যে কেইবাগৰাকীও গণ্যমান্য লোক ৷