মন্ত্ৰী অতুল বৰাৰ সমষ্টিৰ এখন গাওঁৰ বাট-পথৰ দুৰৱস্থাই জ্বলা-কলা খোৱাইছে গাওবাসীক।আচৰিত কথাটো হল আদৰ্শ গাও হিচাপে স্বীকৃতি লাভ কৰিছে গাওঁখনে।ইংলেণ্ডৰ প্ৰিন্স উইলিয়ামচ আৰু পত্নীৰ আগমন ঘটিছিল গাওখনলৈ।উত্তৰ পূব কাজিৰঙা গাওঁ পঞ্চায়তৰ অধীনৰ এই গাওখন হৈছে পাণবাৰী আদৰ্শ গাওঁ।কিন্তু নামতহে আদৰ্শ গাওৰ মৰ্যাদা লাভ কৰিছে গাওখনে।বসবাসৰ পাচটা দশকৰ পিছতো গাওখনৰ মূল পথটো পকী নোহোৱাত বাৰিষা যমৰ যন্ত্ৰণা ভূগিবলগীয়া হয় গাওবাসীয়ে।স্থানীয় বিধায়ক তথা মন্ত্ৰী অতুল বৰাই পথটো নিৰ্মাণ কৰিব বুলি বহুবাৰ প্ৰতিশ্ৰুতি প্ৰদান কৰিলে যদিও আজিলৈ পূৰণ নকৰিলে সেই প্ৰতিশ্ৰুতি।