বিলাসীপাৰাৰ টিলাপাৰাত দিবা-নৈশ ক্ৰিকেট খেল প্ৰতিযোগীতা অনুষ্ঠিত হয়। ইটা উদ্যোগৰ সৌজন্যত আৰু টিলাপাৰাৰ যুৱক সকলৰ সহযোগত অনুষ্ঠিত হয় দিবা-নৈশ ক্ৰিকেট প্ৰতিযোগীতা। উল্লেখ্য যে ক্ৰীড়া কেৱল খেল-ধেমালি নহয়। সুস্থ সবল জীৱন যাপন কৰাত ক্ৰীড়াই অভূতপূৰ্ব ভূমিকা আগবঢ়ায়। সুন্দৰ সবল জাতি গঠনত ক্ৰীড়াৰ গুৰুত্ব অপৰিহীম। যি সময়ত যুৱ প্ৰজন্মৰ একাংশ যুৱক-যুৱতীয়ে উদ্বেগজনক ভাৱে ড্ৰাগছৰ প্ৰতি আকৰ্ষিত হৈছে। তেনে সময়তে বিলাসীপাৰাৰ টিলাপাৰাৰ স্থানীয় যুৱক সকলে দাঙি ধৰিছে এক সুন্দৰ নিদৰ্শন। যুৱক-যুৱতী সকলক ড্ৰাগছৰ প্ৰতি নহয়, খেলৰ প্ৰতি আকৰ্ষিত কৰিবলৈ টিলাপাৰাত অনুষ্ঠিত কৰিছে দিবা-নৈশ ক্ৰিকেট খেল প্ৰতিযোগীতাৰ। বিজয়ী খেলুৱৈ সকলৰ বাবে ব্যবস্থাও কৰিছে আকৰ্ষণীয় পুৰুষ্কাৰৰ। উক্ত খেলখনত নামনি অসমৰ বিভিন্ন প্ৰান্তৰ খেলুৱৈৰ দলে অংশ গ্ৰহণ কৰিছে। দুই দিনীয়া উক্ত দিবা-নৈশ ক্ৰিকেট খেল প্ৰতিযোগীতাখন বুধবাৰে নিশা সমাপ্ত হ'ব।॥