১০৯ নং বিহপুৰীয়া সমষ্টিৰ বিধায়ক অমিয় কুমাৰ ভূঞা আৰু বিধায়কৰ শিক্ষা উন্নয়ণ সমিতিৰ উদ্যোগত লগতে মাধৱদেৱ বিশ্ববিদ্যালয় পৰিয়ালৰ সহযোগত সমষ্টিটোৰ অন্তৰ্গত  সকলো প্ৰাদেশীকৃত নিম্ন প্ৰাথমিক , উচ্চ প্ৰাথমিক , মজলীয়া , উচ্চ , উচ্চতৰ মাধ্যমিক , মহাবিদ্যালয় আৰু বিশ্ববিদ্যালয়ৰ পৰিচালনা সমিতি আৰু উন্নয়ণ সমিতিৰ সভাপতি আৰু বিদ্যালয় প্ৰধানসকলৰ উপস্থিতিত মাধৱদেৱ বিশ্ববিদ্যালয়ৰ প্ৰেক্ষাগৃহত দেওবাৰে অনুষ্ঠিত হ’ব এখন শৈক্ষিক অভিবৰ্তন ৷ আজি নাৰায়ণপুৰ প্ৰেছ ক্লাবত উদ্যোক্তাসকলৰ দ্বাৰা এক সংবাদমেলৰ জৰিয়তে এই কথা জানিবলৈ  দিয়ে ৷ সংবাদমেল খনত লগতে জানিবলৈ দিয়ে যে অভিবৰ্তন খনত  ৬০৫ শৈক্ষিক প্ৰতিষ্ঠানে অংশগ্ৰহণ কৰিব ৷ বিদ্যালয়ৰ শৈক্ষিক পৰিৱেশ উন্নয়ণৰ লগতে আন্তঃগাঁথনি উন্নয়ণকে ধৰি  সকলো সমস্যা  সন্দৰ্ভত আলোচনাই ঠাই পাব অভিবৰ্তন খনত ৷ পুৱা ন বজাৰ পৰা অনুষ্ঠিত হ’বলগীয়া অভিবৰ্তন খনত লখিমপুৰ জিলা উপায়ুক্ত সুমিত সাত্তাৱন , মাধবদেৱ বিশ্ববিদ্যালয়ৰ উপাচাৰ্য্য ড° দিবাকৰ চন্দ্ৰ ডেকা  লখিমপুৰ জিলা বিদ্যালয়সমুহৰ পৰিদৰ্শক। ড° ৰমেশ চন্দ্ৰ চুতীয়াকে প্ৰমুখ্যে বহুকেইজন বিশিষ্ট ব্যক্তি উপস্থিত থাকিব ৷