ছিপাঝাৰৰ ঢেঁকীপাৰাত ননৈ নৈৰ গৰাখহনীয়াই সৃষ্টি কৰিছে ভাবুকিৰ। দাতিকাষৰীয়া ৰাইজলৈ কঢ়িয়াই আনিছে সাম্ভাব্য বিপদ। দৰং জিলাৰ মাজৰে বৈ যোৱা খৰস্ৰোতা নৈখনৰ জলৰাশিয়ে প্ৰায় মথাউৰী স্পৰ্শ কৰাত চিন্তিত হৈ পৰিছে দাতিকাষৰীয়া স্থানীয় ৰাইজ। লক্ষণীয় যে বিগত মাহত নৈখনৰ পাচ ঠাইত ছিগিছিল মথাউৰী। যাৰ পৰিপ্ৰেক্ষিতত নৈখনত অব্যাহত গৰাখহনীয়াকলৈ একপ্ৰকাৰ শংকিত হৈ পৰিছে সমীপৱৰ্তী ৰাইজ। প্ৰনিধানযোগ্য যে জলসম্পদ বিভাগে উক্ত অংশত বাহৰ পাৰ্কুপাইনৰ ব্যৱস্থা কৰিছে যদিও সন্তুষ্ট নহয় নৈপৰীয়া ৰাইজ। ৰাইজে খৰস্ৰোতা নৈখনৰ গৰাখহনীয়াৰ প্ৰতিৰোধৰ বাবে যথোপযুক্ত পদক্ষেপ গ্ৰহণ কৰিবলৈ জলসম্পদ বিভাগৰ ওচৰত দাবী জনাইছে।