બોલિવૂડ એક્ટર કમલ આર ખાન (KRK), જે ઘણી વખત પોતાના વક્તવ્ય માટે હેડલાઇન્સમાં રહે છે, તેની મલાડ પોલીસે ધરપકડ કરી છે. મુંબઈ પોલીસે એક કથિત બદનક્ષીભર્યા ટ્વીટના સંબંધમાં અભિનેતા અને ફિલ્મ વિવેચક કમાલ રાશિદ ખાનની ધરપકડ કરી છે, જેઓ ‘KRK’ તરીકે જાણીતા છે. એક અધિકારીએ મંગળવારે આ જાણકારી આપી. મલાડ પોલીસ સ્ટેશનના અધિકારીએ જણાવ્યું કે, દુબઈથી આવ્યા બાદ સોમવારે મોડી રાત્રે મુંબઈ એરપોર્ટ પર ખાનની ધરપકડ કરવામાં આવી હતી.

પોલીસે કથિત “બદનક્ષીભર્યા” ટ્વીટ અંગે કોઈ માહિતી આપી નથી. અધિકારીએ કહ્યું કે અગાઉ KRK વિરુદ્ધ ‘લુકઆઉટ સર્ક્યુલર’ જારી કરવામાં આવ્યો હતો. તેમણે કહ્યું કે તેમની સામે 2020માં ભારતીય દંડ સંહિતાની વિવિધ કલમો 153 (હુલ્લડો કરાવવાના ઈરાદા સાથે ઉશ્કેરણી) અને 500 (બદનક્ષી માટે સજા) અને ઈન્ફોર્મેશન ટેકનોલોજી એક્ટની જોગવાઈઓ હેઠળ એફઆઈઆર નોંધવામાં આવી હતી.

શહેર પોલીસને સોમવારે તેના આગમનની માહિતી મળી હતી અને તેણે તરત જ તેની ધરપકડ કરી હતી, એમ અધિકારીએ જણાવ્યું હતું. ખાને 2016 માં દાવો કર્યો હતો કે ફિલ્મ નિર્માતા કરણ જોહર દ્વારા ફિલ્મની તરફેણમાં ટ્વિટ કરવા માટે તેમને ચૂકવણી કરવામાં આવી હતી.