তেওঁ আৰু কোনোদিনে ঘূৰি নহাৰ বাটেৰে গুচি গল। হাজাৰ হাজাৰ অনুৰাগী, গুণমুগ্ধক কন্দুয়াই এই জীৱনৰ পৰা চিৰবিদায় ললে। সুদীৰ্ঘ চাৰিটা দশক অসম আৰু অসমীয়াৰ প্ৰতি নিজৰ জীৱন উচৰ্গা কৰা আলফা নেতা জীৱন মৰাণ ওৰফে জীৱন অসম ওৰফে গুণত ডাঙৰীয়াই শনিবাৰে নিশা গুৱাহাটী মহানগৰীৰ এপল হস্পিটালত শেষ নিশ্বাস ত্যাগ কৰে। সোমবাৰে হাজাৰ হাজাৰ অনুৰাগী, গুণমুগ্ধ, জাতীয় জনগোষ্ঠীয় দল সংগঠনৰ নেতা কৰ্মীৰ উপস্থিতিত প্ৰাক্তন আলফা নেতা গৰাকীৰ উপজা বাসগৃহ তিনিচুকীয়াৰ কাকপথাৰৰ উবন গাঁওত অন্তিম সৎকাৰ কৰা হয় সম্পূৰ্ণ ধৰ্মীয় ৰীতি নীতিৰ মাজেৰে।