मुंबई : शेअर बाजारासाठी आजचा दिवस हा 'ब्लॅक मंडे' ठरला असून गुंतवणूकदारांना मोठ्या नुकसानीला सामोरं जावं लागलं. आज शेअर बाजार बंद होताना राष्ट्रीय शेअर बाजाराचा निर्देशांक सेन्सेक्समध्ये 861 अंकांची घसरण झाली. तर मुंबई शेअर बाजाराचा निर्देशांक निफ्टीमध्ये 246 अंकांची घसरण झाली. आज सेन्सेक्समध्ये 1.46 टक्क्यांची घसरण होऊन तो 57,972 अंकांवर पोहोचला. तर निफ्टीमध्ये 1.40 टक्क्यांची घसरण होऊन तो 17,312 अंकांवर पोहोचला. बँक निफ्टी इंडेक्सही 710 अंकांनी घसरला असून तो 38,276 अंकांवर पोहोचला आहे. जागतिक पातळीवर शेअर बाजारात सुरू असलेल्या घसरणीचा परिणाम भारतीय शेअर बाजारात दिसून आला.