શ્રાવણ માસનાં છેલ્લા દિવસે યુવા કાર્યક્રમ અને ખેલ મંત્રાલય, ભારત સરકાર હસ્તકની કચેરી નેહરુ યુવા કેન્દ્રના યુવા મંડળો દ્વારા જીલ્લાની ધાર્મિક, ઐતિહાસિક અને સાંસ્કૃતિક વિરાસત સમા બાવકા શિવ મંદિર પર સ્વચ્છતા ડ્રાઈવનું આયોજન કરાયું હતું. જેમાં યુવા મંડળો, રાષ્ટ્રીય યુવા સ્વસેવકો અને યુવા મંડળનાં સભ્યો તેમજ ગ્રામજન પણ સહભાગી થયા હતા. સ્વચ્છતા ડ્રાઈવ અંતર્ગત વેસ્ટ પ્લાસ્ટિક એકત્રીકરણ, વૃક્ષારોપણ તેમજ પ્લાસ્ટિક નાબૂદી માટે કાપડની થેલીઓ ગ્રામજનોને વિતરણ કરાઇ હતી. આ પ્રસંગે ગ્રામજનોનો પણ ખૂબ સહકાર જોવા મળ્યો હતો. તે બદલ જીલ્લા યુવા અધિકારી અજીત જૈને તમામ લોકોને ધન્યવાદ પાઠવ્યા હતા.