यवतमाळ : अन्न औषध व प्रशासन मंत्री संजय राठोड यांना कोरोनाची लागण झाली आहे. सोशल मीडियावर ट्विट करून त्यांनी ही माहिती दिली आहे. सेंट जॉर्ज हॉस्पिटल मुंबई येथे कोरोना चाचणी केली व ती पॉझिटिव्ह आली. लक्षणे नसल्यामुळे डॉक्टरांनी त्यांना घरीच क्वारंटाईन व्हायला सांगितले आहे. संपर्कात आलेल्याना काही त्रास किंवा लक्षणे असेल तर त्यांनी कोरोना चाचणी करून घ्यावी,असे आवाहन मंत्री राठोड यांनी केले आहे. पोळ्याच्या सणाला यवतमाळ येथील समता मैदानावर आयोजित कार्यक्रमात त्यांनी हजेरी लावून शेतकऱ्यांशी संवाद साधला होता, हे विशेष.