মহাপুৰুষ মাধৱদেৱৰ জন্মস্থান নাৰায়ণপুৰত বিদ্যালয়ৰ গ্ৰীষ্ম বন্ধৰ সময় চোৱাত প্ৰতিবছৰে অনুষ্ঠিত হৈ আহিছে বিভিন্ন বিষয়ৰ কৰ্মশালা ৷ ছাত্ৰ-ছাত্ৰীৰ বৌদ্ধিক বিকাশৰ বাবে বিদ্যালয় বন্ধৰ সময়চোৱাত অনুষ্ঠিত হয় এনেধৰনৰ কৰ্মশালা ৷ সেই উপলক্ষ্যে নাৰায়ণপুৰ ৰাজহচক্ৰৰ অন্তৰ্গত দ্ৰোপাং মইনা পাৰিজাতৰ উদ্যোগত ভৰলাপাৰত অনুষ্ঠিত হৈছে গ্ৰীষ্মকালীন সত্ৰীয়া নৃত্যৰ কৰ্মশালা ৷ বদুলা সত্ৰৰ বৰবায়ন দাদু দত্তৰ প্ৰশিক্ষণত দ্ৰোপাং অঞ্চলত অৰ্ধশতাধিক ছাত্ৰ-ছাত্ৰীয়ে ১ জুলাইৰ পৰা ১৬ জুলাইলৈকে সত্ৰীয়া নৃত্যৰ কৰ্মশালাত অংশগ্ৰহণ কৰিছে ৷ উল্লেখ্য যে অঞ্চলটোত জাতি জনগোষ্ঠী ভেদে ছাত্ৰ-ছাত্ৰীসকলে কৰ্মশালাত অংশগ্ৰহণ কৰিছে ৷ আনহাতে শংকৰদেৱ যুৱ সংঘৰ উদ্যোগত পথালিপাহাৰৰ ভকতগাঁৱতো অনুৰুপ কৰ্মশালা অনুষ্ঠিত হৈছে ৷