সচৰাচৰ ৰাইজে বিধায়কৰ খতিয়ান লয়,কিন্তু আজি বিধায়িকাই ল'লে ৰাইজৰ কামৰ খতিয়ান।গোলাঘাটৰ কৃষিপ্ৰধান অঞ্চল আইতনীয়া মিৰিগাঁৱৰ দ-চমুৱা বিলত অঞ্চলত মীন প্ৰকল্প গঢ়িবলৈ বিধায়িকা অজন্তা নেওগে আৱন্টন দিছিল ২৫ লাখ টকা।কিন্তু ৰাইজে সেই টকাৰে মীন পালনৰ কোনো কাম নকৰিলে।বিধায়িকা তথা মন্ত্ৰী অজন্তা নেওগৰ মতে সেই ২৫ লাখ টকাৰ প্ৰকল্প এতিয়া ২৫ কোটিলৈ ৰূপান্তৰ হ'ব লাগিছিল।কিন্তু ৰাইজে কাম নকৰাৰ বাবে সেই টকা অবাবত নষ্ট হ'ল।ৰাইজে কেৱল চৰকাৰক দোষিলে নহ'ব।সেয়েহে পৰৱৰ্তী সময়ত কোনো ধন ৰাইজৰ বাবে মুকলাই দিয়াৰ আগত বিধায়িকা গৰাকীয়ে চিন্তা কৰি ল'ব বুলি মন্তব্য কৰে।কিয়নো টেঙা আম বজাৰত এবাৰহে বেচিব পাৰি!